Rimarkoj: Salutesprimoj "ĝis la revido", "ĝis revido" kaj "ĝis" estas perfektaj sinonimoj. Tio eble validas eĉ por "adiaŭ". Kelkaj opinias ke "adiaŭ" estas preferinda kiam oni forlasas unu la alian por longa tempo aŭ por ĉiam. Tia distingo konfliktas kun derivaĵoj kiel "adiaŭa" aŭ "adiaŭdiri" kiuj estas uzataj sendepende de tempo, ĉar respondaj derivaĵoj de "ĝis revido" ("ĝisrevida", "ĝisrevidi", "ĝisrevidodiri") estas problemaj kaj apenaŭ uzataj aŭ uzeblaj.
